Fundaröð Alþjóðamálastofnunar Evrópusamræður 2012-2013 heldur áfram
Alþjóðamálastofnun Háskóla Íslands heldur tíu málstofur um Evrópusamrunann og Ísland. Stofnunin hlaut styrki frá Evrópustofu og úr Jean Monnet sjóði ESB til að stuðla að upplýstri umræðu um Evrópumál á Íslandi.
Fundirnir fara fram á ensku. Allir velkomnir.
Næstu opnu fundir:
Föstudaginn 14. júní kl. 12-13 í Norræna húsinu
Þróun sjávarútvegsstefnu ESB – reynsla Dana
Ole Poulsen, einn helsti sérfræðingur Dana þegar kemur að sjávarútvegsmálum, ræðir sameiginlega sjávarútvegsstefnu ESB.
Föstudaginn 21. júní kl. 12-13 í Norræna húsinu
Hefur kynjajafnrétti stuðlað að auknum Evrópusamruna?
Agnes Hubert, ráðgjafi á skrifstofu stefnumótunarráðgjafa í Evrópumálum, fjallar um hvernig kynjajafnrétti hefur stuðlað að samruna í Evrópu.
Miðvikudaginn 3. júlí – kl. 12-13:15 í Lögbergi 101
Breski sjálfstæðisflokkurinn (UK Independence Party), íhaldsflokkurinn og afstaða til
Evrópusamrunans á Bretlandi
Dr. Philip Lynch og Dr. Richard Whitaker, fræðimenn við háskólann í Leicester, fjalla um hægri væng breskra stjórnmála, afstöðu stjórnmálamanna og almennings til Evrópumsamrunans og setja umræðuna í samhengi við íslensk stjórnmál í dag.
